ATI SUWUNG
Wanci ratri
Wanci sepining ati
Mega mendhung padha kekuwung
Tumlawung suwung
Urip tanpa Gondhelan
Godhong kayu wis ora bisa ngguyu
Banyu wis ilang rasane
Lemah sajak
padha wegah
Nyawang kahanan kang sansaya bubrah
Manuk ocehan ora pamer swarane
Gegayuhan ilang pengarep-arepe
Kabeh ilang musna tanpa karana
Swasana endah dadi rusak
Ilang edi, ilang peni
Kang keri amung tangising ati
Nyuntak rasa nalangsa Ngarsane Gusti
Muga isih ana welas kang tumiba
Tidak ada komentar:
Posting Komentar